FLORA e FAUNA DO COUREL

Flora: Debido as condicións climatolóxicas e a estas diferenzas de altura entre as cumes e vales atopámonos ante a reserva botánica máis importante de Galiza. A beira dos diversos ríos, encontramonos as devesas, bosques de especies autóctonas que no Courel alcanzan a súa maxima expresión na Devesa da Rogueira. Castiñeiros, carballos, aciñeiras, bidueiros, acivros, xestas,... Un verdadeiro paraíso para o amante da natureza. De entre todos destacamos o castiñeiro, sempre presente en todos os nosos percorridos e auténtico recurso para todo. Fauna: Esta gran cantidade de ecosistemas diferentes que existen no Caurel provocan que a diversidade faunística sexa moi ampla. Noutros tempos, estas serras foron elixidas por comunidades de osos pardos que, na actualidade, recluíronse nas montañas asturianas. Nas nosas rutas poderemos atoparnos cunha manda de lobos, nalgunha das súas incursións nocturnas, ou de xabarís, que teñen nas castañas o seu mellor alimento. Raposos, teixugos, martas, corzos, xinetas, armiños... todos eles teñen o seu sitio no Caurel. Desde as árbores, seremos observados polo moucho real. No aire, gozaremos cos maxestosos voos da aguia real e a cobreira, ademais do milano e varias especies de aguiluchos.